Қазіргі заманның сын-қатерлері жағдайында мемлекеттің орнықтылығы көп жағдайда қоғамның ашық әрі сындарлы диалог жүргізу қабілетіне байланысты айқындалады. Қазақстан Республикасы Президентінің №1081 Жарлығымен бекітілген Ішкі саясат тұжырымдамасын іске асыру «Әртүрлі пікірлер — біртұтас ұлт» қағидатын қоғамдық дамудың негізгі бағдарларының бірі ретінде айқындайды. Бұл тәсіл азаматтық қоғамның кемелдігін және конституциялық құндылықтарға адалдығын көрсетеді.
Қоғамдық келісімнің ажырамас негізі — адам құқықтары мен бостандықтарының кепілді түрде сақталуы. Сөз бостандығы және пікір білдіру құқығы демократиялық мемлекеттің дамуын қамтамасыз ететін маңызды институттар болып табылады. Өзге көзқарасқа құқықты мойындау құқықтық тәртіптің нығаюына және мемлекеттік әрі қоғамдық институттарға деген сенімнің қалыптасуына ықпал етеді.
Пікір алуандығын теңгерімді әрі тиімді шешімдер қабылдауға ықпал ететін стратегиялық ресурс ретінде қарастыру қажет. Өзекті мәселелерді ашық талқылау және сындарлы сын қоғамның ілгері дамуына жағдай жасайды. Бұл ретте заңдылықты сақтау, жауапкершілік және мемлекеттің ұзақ мерзімді мүдделеріне бағдарлану қағидаттары айрықша мәнге ие.
Ұлт бірлігі заң алдындағы теңдікке, өзара құрметке және елдің болашағы үшін ортақ жауапкершілікті сезінуге негізделеді. Қоғамның шоғырлануы көзқарастарды біріздендіруді емес, әділетті әрі өркендеген Қазақстанды құру жолында іс-әрекеттердің үйлесімділігін білдіреді. Диалог мәдениетін дамыту — тиімді және орнықты қоғамдық жүйені қалыптастырудың маңызды шарты.