«Адал азамат» тұжырымдамасының этикалық қабығының астарында нақты прагматикалық құқықтық мән жатыр. Бұл - азаматтың жеке жауапкершілігі адам құқықтарының сақталуының басты кепіліне айналатын мемлекет моделіне көшу».
Құқықтар өздігінен, оқшау түрде өмір сүрмейді. Дамыған құқықтық кеңістікте паритет қағидаты әрекет етеді: бір адамның құқықтарын жүзеге асыру екінші адамның міндеттерін орындауына тікелей байланысты. Бұл - өзара кепілдіктер мен жауапкершіліктің тұрақты жүйесі. «Менің еркіндігім басқа біреудің еркіндігі басталған жерде аяқталады» - бұл жауапкершіліктің негізгі мәні. Өз мүддең үшін әділдік талап ете отырып, заңды немесе айналадағы адамдардың мүдделерін елемеу мүмкін емес. Мысалы, сөз бостандығы жала жабуға құқық бермейді, ал бейбіт жиналыс құқығы өзгелердің қауіпсіздікке деген құқығын бұзбауы тиіс.
«Бүгін «Адал азамат» болу - құқықтық тәртіп әрқайсымыздан басталатынын түсіну деген сөз. Бұл тек өз қажеттіліктеріңді білдіру ғана емес, сонымен қатар өз әрекеттерің арқылы заңдылық пен әділдікті нығайтуға белсенді қатысуға дайын болу».
Түптеп келгенде, дәл осындай саналы көзқарас құқықтық жүйенің тиімділігін қамтамасыз етеді. Біз заңды құрметтеп, бір-біріміздің құқықтарымызды мойындаған кезде, еліміздегі тәртіп пен қауіпсіздіктің қайнар көзіне өзіміз айналамыз.