Павлодар қаласында әйелдер мен балалы әйелдерге арналған әлеуметтік-психологиялық оңалту және бейімдеу орталығы жұмыс істейді. Орталықтың негізгі мақсаты – қиын өмірлік жағдайға тап болған, оның ішінде отбасылық-тұрмыстық зорлық-зомбылықтан зардап шеккен әйелдер мен балалы әйелдерге арнаулы әлеуметтік қызметтер көрсету.
Орталықтың қызметі әйелдердің құқықтары мен заңды мүдделерін қорғауға, олардың қауіпсіздігін қамтамасыз етуге, психологиялық, әлеуметтік және құқықтық көмек көрсетуге, сондай-ақ дағдарыстық жағдайдан шығуына және дербес өмір сүру қабілетін қалпына келтіруге жәрдемдесуге бағытталған.
Орталыққа физикалық, психологиялық, экономикалық немесе жыныстық зорлық-зомбылыққа ұшыраған әйелдер, сондай-ақ уақытша қауіпсіз баспана мен әлеуметтік қолдауға мұқтаж балалы әйелдер жүгіне алады. Мекеме мамандары кешенді көмек көрсетіп, құжаттарды қалпына келтіруге, кеңес алуға, әлеуметтік және құқықтық мәселелерді шешуге жәрдемдеседі.
Байланыс деректері:
📍 Павлодар қаласы, Осипенко көшесі, 5
☎️ Сенім телефоны: 8 (7182) 62-55-85
📧 Электрондық пошта: centr_zhenshin@mail.ru
Сондай-ақ әйелдер мен балалардың құқықтарын қорғау, психологиялық және өзге де қажетті көмек алу мәселелері бойынша тәулік бойы жұмыс істейтін 111 бірыңғай байланыс орталығына жүгінуге болады.
Естеріңізде болсын, көмекке дер кезінде жүгіну – өз құқықтарыңызды қорғауға, қауіпсіздігіңізді қамтамасыз етуге және өміріңізді жақсартуға бағытталған маңызды қадам.
Зорлық-зомбылық – отбасының жеке мәселесі емес, ол адамның құқықтарын бұзу болып табылады және дер кезінде ден қою мен қорғауды талап етеді.