Тіл саясаты

Новодолинский кенті әкімі аппараты мемлекеттік тілді дамыту жұмысын «Қазақстан Республикасының 2020–2025 жылдарға арналған Тіл саясатын іске асыру жөніндегі мемлекеттік бағдарламасы» шеңберінде жүзеге асырады:

Мемлекеттік тілді үйренуге барлық азаматтарға мемлекеттік қолдау көрсету аясында әкімдік аппаратының мамандары кент тұрғындарымен, соның ішінде кәсіпкерлермен тұрақты жұмыс жүргізеді. Мемлекеттік тілді қысқа мерзімді курстарда оқыту үшін кент тұрғындарының тізімі жасалады: 2024 жылы ақпан айында – 5 адам, маусым айында – 7 адам оқудан өтті;
Кент әкімі тұрғындар алдында сөйлеген барлық ресми баяндамалары екі тілдің тең қолданылу қағидатына негізделеді;
Құжат айналымында мемлекеттік тілді қолдану үлесі – 100%, барлық шығыс хат-хабарлар мемлекеттік тілде жіберіледі;
Әкімдік аппаратының қызметкерлері мемлекеттік тілде жалпыхалықтық диктант жазуға қатысады;
Жыл бойы тұрақты түрде кәсіпкерлік нысандарында көрнекі ақпарат пен жарнаманы заңнама талаптарына сәйкестендіру бойынша түсіндіру жұмыстары және рейдтер жүргізіледі. 2024 жылы 2 рейд өткізіліп, 38 нысан тексерілді, рейд барысында түсіндіру жұмыстары жүргізілді;
Instagram әлеуметтік желісіндегі парақшада, стендтерде, билбордтарда, хабарландыру тақталарында және әлеуметтік желілердегі топтарда ақпарат екі тілдің тең қолданысы қағидатына сай орналастырылады;
Мемлекеттік тілді насихаттау бойынша түсіндіру жұмыстары кенттің Қоғамдық келісім кеңесі және Аналар кеңесі арқылы тұрақты түрде жүргізіледі.
Бұл бағыттағы жұмыс жалғасуда.