БҚО ПД қызметкерлері жазғы киім нысанына көшті

Жазғы киім нысанына ұйымдасқан түрде көшуді қамтамасыз ету, саптық дағдыны, саптық командаларды орындау кезіндегі үйлесімділікті жетілдіру, сондай-ақ БҚО ПД қатардағы және басшы құрамдағы адамдарының үлгілі сыртқы келбетін қолдау мақсатында ПД бастығының орынбасары Н.Б. Рамазанов жеке құрамның саптық байқауын өткізді. Саптық байқау барысында қызметкерлердің сыртқы түр-сипаты, үлгілік киімі, қызметтік куәліктерінің, айырым белгілерінің талаптарға сай болуы тексерілді. Сондай-ақ, полиция қызметкерлерінің ұқыптылығы мен жинақылығы, шаш үлгісі, киімінің мұнтаздай тазалығы басты назарға алынды.

БҚО ПД баспасөз қызметі