Өскемен қаласында кезбе-ұрылар ұсталды

                                                                                                  Өскемен қаласында кезбе-ұрылар ұсталды

Өскемен қаласында полиция қызметкерлері пәтер ұрлығын жедел анықтап, ашты.

Алдын ала мәліметтерге сәйкес, күдіктілер басқа өңірден келіп, ұрлықты алдын ала жоспарлаған. Олар құлыпқа кілт таңдап, көпқабатты үйдегі пәтерлердің біріне заңсыз кіріп, екі ноутбук, зергерлік бұйымдар және басқа да бағалы заттарды жымқырған. Келтірілген шығын мөлшері 1 350 000 теңгені құрайды.

Жедел-іздестіру іс-шараларының нәтижесінде күдіктілер анықталып, ұсталды. Қазіргі уақытта олар уақытша ұстау изоляторына қамалып, тергеу амалдары жүргізілуде.

Құқық қорғау органдары азаматтарға сақтық шараларын ұстанудың маңыздылығын ескертеді. Үйлердің қауіпсіздігін қамтамасыз ету үшін сенімді құлыптарды қолданып, бейнебақылау жүйесін немесе дабыл қондырғысын орнату ұсынылады. Сонымен қатар, аулада немесе уйге кірерберісте күдікті адамдар байқалса, оларды назардан тыс қалдырмай, қажет болған жағдайда полицияға хабар беру маңызды. Кез келген күмәнді жағдайлар ұрлықтың алдын алуға және қоғамдық қауіпсіздікті сақтауға көмектеседі.


                                                                                                                                                                                                               ШҚО ПД баспасөз қызметі