ШҚО-да полиция қызметкері эпилепсия ұстамасы болған ер адамға көмек көрсеткен

                                                                                                   ШҚО-да полиция қызметкері эпилепсия ұстамасы болған ер адамға көмек көрсеткен

Шығыс Қазақстан облысында Шемонаиха аудандық полиция бөлімінің жергілікті полиция қызметінің учаскелік полиция инспекторы полиция аға лейтенанты Нұрлан Тұрлыбеков қырағылық пен кәсіби шеберлік танытып, қиын жағдайға тап болған азаматқа көмек көрсеткен.

Патрульдеу барысында тәртіп сақшысы масаң күйде болуы мүмкін азаматты байқап, оны медициналық куәландыруға жеткізу туралы шешім қабылдаған. Алайда жолда ер адамның жағдайы күрт нашарлап, эпилепсия ұстамасы басталған.

Аға лейтенант Тұрлыбеков шұғыл түрде жедел жәрдем шақырып, алғашқы медициналық көмек көрсеткен. Оның жедел әрекетінің арқасында ер адамның жағдайы тұрақтанып, келген медицина қызметкерлері оны дер кезінде ауруханаға жеткізген.

Қазіргі уақытта азаматтың өміріне ешқандай қауіп төніп тұрған жоқ.


                                                                                                                                                                                                               ШҚО ПД баспасөз қызметі