ШҚО Полиция департаментінің бастығы Ұлан ауданы полиция бөлімінің жұмысын тексерді
ШҚО Полиция департаментінің бастығы Ұлан ауданы полиция бөлімінің жұмысын тексерді
Шығыс Қазақстан облысы Полиция департаментінің бастығы генерал-майор Ерлан Омарбеков жұмыс сапарымен Ұлан ауданының полиция бөлімінде болды. Кездесу барысында ол қызметкерлерге өз ісіне деген адалдығы үшін алғыс айтып, олардың кәсібилігінің өңірдегі тұрақтылық пен құқықтық тәртіптің кепілі екенін атап өтті.
Сапар барысында полицияның негізгі қызмет бағыттарына ерекше назар аударылды. Генерал-майор Омарбеков барлық құрылымдық бөлімшелердің жұмысын — тергеушілер мен криминалистерден бастап, учаскелік инспекторлар мен патрульдік қызметкерлерге дейін — маңыздылығын айрықша атап өтті. Ол 2025 жыл қылмыс профилактикасы жылы деп жарияланғанын еске салып, құқық бұзушылықтардың алдын алу шараларын күшейтуге шақырды.
Сонымен қатар, Департамент басшысы бөлім ғимараты мен жабдықтарын тексеріп, инфрақұрылымды үнемі жаңартып отырудың маңыздылығын баса айтты. Уақытша ұстау изоляторында ол тұтқындардың құқықтарын қорғау стандарттарының сақталуына тікелей бақылау жасады.
«Азаматтардың қауіпсіздігін қамтамасыз ету — біздің басты міндетіміз. Заманауи технологиялар, жоғары кәсібилік деңгейі және полицияның ашықтығы халықтың сенімін арттыруға және қылмысқа қарсы күресті тиімді жүргізуге мүмкіндік береді», — деп атап өтті Ерлан Омарбеков.
Сапардың қорытындысында генерал-майор полиция жүйесін модернизациялау, алдын алу шараларын дамыту және халықпен тиімді өзара әрекеттесуді қамтамасыз ету өңірдің қауіпсіздігін арттыруға мүмкіндік беретініне сенім білдірді. Ол азаматтармен ашық диалог жүргізу және олардың өтініштеріне жедел жауап беру полиция қызметінің тиімділігінің негізі болып қалатынын мәлімдеді.
ШҚО ПД баспасөз қызметі