Руфат Қажымқанов ШҚО ПД бастығының орынбасары болып тағайындалды

                                                                                           Руфат Қажымқанов ШҚО ПД бастығының орынбасары болып тағайындалды

Ішкі істер министрінің бұйрығымен Шығыс Қазақстан облысы Полиция департаменті бастығының орынбасары лауазымына полиция полковнигі Руфат Қажымқанұлы тағайындалды.

Руфат Қажымқанұлы 10 ақпанда Шығыс Қазақстан облысында дүниеге келген. 2004 жылы ҚР ІІМ Академиясының заңгерлік институтын тәмамдаған.

Құқық қорғау органдарындағы қызметін Үржар ауданы қоғамдық қауіпсіздік бөлімінде учаскелік инспектор ретінде бастаған. 25 жыл ішінде ол жедел іздестіру және әкімшілік бөлімшелерде әртүрлі лауазымдарда қызмет атқарған. 2022 жылдан бастап Шығыс Қазақстан облысы Полиция департаментінің штаб басқармасының бастығы лауазымында жұмыс істеген.

Жаңа қызметінде ШҚО ПД тылды қамтамасыз ету мәселелерін үйлестірумен айналысатын болады.



                                                                                                                                                                                                               ШҚО ПД баспасөз қызметі