Интернет-алаяқтыққа қарсы іс-қимыл: полиция мен банктердің бірлескен жұмысы

                                                                                                  Интернет-алаяқтыққа қарсы іс-қимыл: полиция мен банктердің бірлескен жұмысы

Шығыс Қазақстан облысының Полиция департаменті интернет-алаяқтықтың алдын алу және оған қарсы іс-қимыл бойынша тұрақты кездесулер мен іс-шаралар өткізуде.

«Еуразиялық банк» АҚ және «RBK банк» АҚ өкілдерімен кездесу өтіп, онлайн-алаяқтармен күрес мәселесі талқыланды.

Кездесу барысында клиенттерді киберқауіптерден қорғау және желі қолданушыларының қауіпсіздігін арттыруға бағытталған бірқатар шаралар сияқты негізгі мәселелер қарастырылды.

Қатысушылар қаржылық сауаттылықты арттырудың және клиенттерді ықтимал қауіптер туралы ақпараттандырудың маңыздылығына ерекше назар аударды.

Құқық қорғау органдары мен банктердің ынтымақтастығы желі қолданушыларының қорғалу деңгейін едәуір күшейтіп, қаржылық операциялардың қауіпсіздігіне азаматтардың сенімін арттыруға мүмкіндік беретін болады.

Әрбір ғаламтор қолданушысы ықтимал қауіптер туралы хабардар болып, алаяқтардан қорғану жолдарын білуі аса маңызды.



                                                                                                                                                                                                            ШҚО ПД баспасөз қызметі