ШҚО полицейлері интернет-алаяқтарды ұстады: миллион теңгеге жуық шығын келтірілді

                                                                                                  ШҚО полицейлері интернет-алаяқтарды ұстады: миллион теңгеге жуық шығын келтірілді

Шығыс Қазақстан облысының полиция қызметкерлері интернет-алаяқтыққа қатысы бар күдікті екі адамды ұстады.

Жедел іздестіру іс-шаралары барысында бұрын ұрлық жасағаны үшін сотталған ер адамдар анықталған. Құқық қорғау органдарының мәліметтері бойынша, олар азаматтарды алдау үшін алаяқтық схемаларды қолданып, жалға алынған пәтерде қылмыстық істерін жүзеге асырған.

Полиция күдіктілердің үйінен қылмыстық әрекеттерінің заттай дәлелдерін тауып, тәркілеген. Бастапқы алынған мәліметтер бойынша, 28 және 29 жастағы екі ер адам азаматтардың сеніміне кіре отырып, қолма-қол ақша мен жеке деректерін алу үшін әртүрлі онлайн платформаларды пайдаланған.

Олардың іс-әрекеттерінен келтірілген жалпы шығын шамамен 1 миллион теңгеге бағаланды.

Қазіргі уақытта тергеу ісі жалғасуда, тәртіп сақшылары ұсталғандардың басқа алаяқтық фактілеріне қатысы бар-жоғын анықтау мақсатында жұмыс жасауда.



                                                                                                                                                                                                            ШҚО ПД баспасөз қызметі