ШҚО полицейлері мал ұрлаушылар тобын ұстады

                                                                               ШҚО полицейлері мал ұрлаушылар тобын ұстады

Олардың есебінде 70-тен астам мал ұрлығы бар, ұрланған мал етін олар елдің оңтүстігінде сатқан. Келтірілген шығын көлемі 47 млн теңгеден асып жығылады.

Тәртіп сақшылары қаскөйлерді жедел іздестіру іс-шаралары барысында анықтаған. Топта төрт күдікті белсенді әрекет еткен, мал басының бір бөлігі тәркіленді.

Тергеу барысында мал ұрлаушылардың иесіз жылқыларды іздегені, кейін мал ұстау орындарына жеткізіп, арық қарай жүк көліктерімен басқа аймақтағы базарға тасымалданғаны анықталды. Сонымен қатар, ұсталғандардан атыс қаруының бірнеше түрі және 60-тан астам патрон тәркіленді, олар бойынша сараптама тағайындалды.

Айыпталушылар соттың санкциясымен қамалды, тергеу әрекеттері жалғасуда және олардың осыған ұқсас қылмыстарға қатыстылығы анықталуда.

                                                                                                                                                                                       ШҚО ПД баспасөз қызметі