ШҚО Полиция департаментінде Титан командасын мадақтады

                                                                                     ШҚО Полиция департаментінде Титан командасын мадақтады

Шығыс Қазақстан полициясының намысын қорғап, ІІО бөлімшелері арасында Қазақстан Республикасы Ішкі істер министрінің кубогына шайбалы хоккейден бірінші турнирдің алтынын жеңіп алған спортшыларды ШҚО ПД бастығы полиция генерал-майоры Ерлан Омарбеков құттықтады.

"Сіздер нағыз командалық рух пен керемет ойын көрсеттіңіздер. Мен әрқайсыларыңызға қажырлы еңбектеріңіз бен жеңіске деген жігерлеріңіз үшін алғыс білдіремін! Сіздер осы ойын арқылы Шығысымыздың – қазақстан хоккейінің отаны екенін дәлелдедіңіздер", - деп атап өтті өңірдің бас полицейі.

Өткізілген турнир туралы естеліктер Полиция департаменті тарихына арнайы жасалған мұражайда бөлінген стендтің, сондай-ақ жеңімпаздар тапсырған алтын кубоктың арқасында ұзақ уақыт сақталады.

                                                                                                                                                                                       ШҚО ПД баспасөз қызметі