Ең басты жолаушы: Балалар, қауіпсіздік белдіктерін тағыңыздар

                                                                                     

                                                                                        Ең басты жолаушы: Балалар, қауіпсіздік белдіктерін тағыңыздар

                            

ШҚО ПД Әкімшілік полиция басқармасының бастығы Еркін Ануарбеков мектеп-лицейдің бірінші сынып оқушыларына жол жүрісі қағидалары бойынша ашық сабақ өткізді.

Полиция полковнигі сынып жетекшісін алмастырып, балаларды таңқалдырды. Оның киім формасы мен әскери қимылы байсалды да сындарлы диалогқа қолайлы жағдай туғызды.

Оқу іс-шарасы барысында полковник Ануарбеков балаларға жолаушы балалардың міндеттері және олардың мүлтіксіз орындау қағидалары туралы айтып берді. Полиция қызметкері көлік салонындағы ең қауіпсіз орынға, атап айтқанда, көліктің артқы орынының ортасына назар аударды. Сондай-ақ, алған білімдерін бекіту мақсатында оқушылар "Жолдос көмекке асығады" мультфильмін тамашалады.

Қауіпсіздік сабағының соңында білім алушыларға үйде ата-аналарымен бірлесіп оқуға және "үй-мектеп" қауіпсіз бағыттарын анықтауға арналған буклеттер табыс етілді.

Шығыс Қазақстан облысының аумағында 2024 жылдың 5 ақпанынан бастап "Қауіпсіз жол" жедел-профилактикалық іс-шарасы басталғанын және ол айдың соңына дейін жалғасатынын естеріңізге сала кетейік.
                                                                                      

 

                                                                                                                                                                                                               ШҚО ПД баспасөз қызметі