ШҚО-да полицейлер 30 жеңіл автокөлік пен кеншілері бар 4 автобустан тұратын автоколоннаны алып жүрді

                                                                               

                                                                                       ШҚО-да полицейлер 30 жеңіл автокөлік пен кеншілері бар 4 автобустан тұратын автоколоннаны алып жүрді

 

Қарлы боранда тәртіп сақшылары қызметін жүргізушілерге көмектесуге бағыттады.

Қазақстанның шығысында ауа-райының қолайсыздығы бір аптаға жуық өршіп тұр, осыған байланысты патрульдік полиция қызметкерлері күшейтілген режимде қызмет атқаруда. Республикалық және облыстық маңызы бар жолдарда қосымша экипаждар енгізілді, полицейлер бірнеше рет автоколоннналарды  қажетті елді мекендеріне дейін  алып жүрді.

Мысалы, бүгін «Өскемен-Риддер» тас жолында патрульдік полиция қызметкерлері автожолда үш сағаттан астам тұрған 30 жеңіл автокөлік пен 4 автобусты алып жүрді.

- «Полиция қызметкерлеріне кеншілерді жұмысқа дейін алып жүргені үшін алғыс білдіргім келеді», - деп атап өтті жүргізушілердің бірі.

Қазіргі уақытта ауа-райының қолайсыздығына байланысты бірнеше автожолдар жабық.

Тәртіп сақшылары жүргізушілерден жолдардың жабылғаны туралы хабарламаларды елеп ескеруді және елді мекендерден тыс жерлерге шықпауды сұрайды.

 

                                                                                      

                                                                                                                                                                                                            ШҚО ПД баспасөз қызметі