ШҚО ПД Киберполы: «Интернет –алаяқтардың құрбаны болмаңыз»

                                                                                   ШҚО ПД Киберполы: «Интернет –алаяқтардың құрбаны болмаңыз»

Жаңа тәсілмен ақпараттандыру науқаны.

Бүгін Шығыс Қазақстан дүкендерінің сөрелеріне сүт өнімдерінің ең ірі өндірушісі – «Восток Сүт» корпорациясының конвейерінен қызықты бейнесі бар тауарлар келіп түсті.

Киберпол полицейлері әрбір қаптамаға QR код орналастырды, сатып алушы оны сканерлеу арқылы қылмыскерлердің түрлері мен әдістері, сондай-ақ олардан қалай қорғану керектігі туралы барлық ақпаратты біле алады.

Тәртіп сақшылары ескертудің бұл түрі мүмкіндігінше көп адамды алаяқтардың жаңа айла-амалдарынан қорғауға мүмкіндік беретініне сенімді.

ШҚО Полиция департаменті облыста «Тоқта алаяқ» жедел-профилактикалық іс-шарасы жалғасып жатқанын еске салады.

Егер сіз интернет-алаяқтардың құрбаны болсаңыз, дереу «102» арнасына хабарласуыңызды сұраймыз.

                                                                                                                                                                                       ШҚО ПД баспасөз қызметі