ШҚО полицейлері заңсыз ауланған балықтарды тәркіледі

                                                                                   ШҚО полицейлері заңсыз ауланған балықтарды тәркіледі

Тарбағатай ауданының тұрғыны балық ресурстарын заңсыз өндіргені үшін қылмыстық жауапкершілікке тартылады.

Зайсан көлінің жағасында жедел-алдын алу іс-шараларын өткізу барысында полицейлер балықты заңсыз аулаумен айналысқан 30 жастағы ер адамды ұстаған.

Оқиға орнында тәртіп сақшылары 130 кг-ға жуық көксерке мен қарақұйрықты, сондай-ақ 15-тен астам моноталшықты торларын тауып, тәркілеген.

Табиғатқа келтірілген залалдың жалпы сомасы 600 000 теңгеден асты.

Осы факті бойынша сотқа дейінгі тергеу жүргізілуде.

                                                                                                                                                                                      ШҚО ПД баспасөз қызметі