ШҚО-да облыс орталығының тұрғыны «ерекше бақ» өсірген

Есірткі өсіру үшін бағбан жарық шамдарын, тұқымдар мен топырақ салынған жер құмыраларын және басқа да бақша керек-жақтарын пайдаланған.

Жедел-іздестіру іс шараларын жүргізу кезінде полицейлер 53 жастағы Өскемен тұрғынын ұстады, оның үйінен ерекше иісі бар 14 өсімдік бұтасы, сонымен қатар 140 грамм кептірілген марихуана және 37 граммға жуық гашиш есірткі заты табылып, тәркіленді.

Аталған факті бойынша ҚР ҚК -нің 300 – бабы - Құрамында есірткі заттары бар өсіруге тыйым салынған өсімдіктерді заңсыз өсіру және ҚР ҚК-нің 296 - бабы 3-бөлігімен есірткі құралдарын, психотроптық заттарды, олардың аналогтарын ірі мөлшерде өткізу мақсатынсыз заңсыз дайындау, қайта өңдеу, сатып алу, сақтау, тасымалдау бойынша сотқа дейінгі тергеу басталды .

ШҚО ПД баспасөз қызметі