Полиция қызметкерлері Өскемен қаласы тұрғыннан есірткі тапқан

                                                                                 Полиция қызметкерлері Өскемен қаласы тұрғыннан есірткі тапқан

Жібек Жолы көшесін патрульдеу барысында "Тойота Карина Е" маркалы автокөлігі тоқтатылған, оның салонында 33 жастағы жолаушы болған.

Ер адамды тексеру кезінде жеке заттарынан есірткі заты табылып, тәркіленді. Сараптама қорытындысына сәйкес тәркіленген зат жалпы салмағы 1362,09 грамм кептірілген марихуана болып табылады.

Қазіргі уақытта ер адамға қатысты қамауда ұстау түріндегі бұлтартпау шарасы таңдалды.

Аталған факті бойынша ҚР ҚК-нің 296 - бабы 4-бөлігі - есірткі, психотроптық заттарды, олардың аналогтарын аса ірі мөлшерде өткізу мақсатынсыз заңсыз дайындау, қайта өңдеу, сатып алу, сақтау, тасымалдау бойынша сотқа дейінгі тергеу басталды.

                                                                                                                                                                                       ШҚО ПД баспасөз қызметі