Полицейлер шығысқазақстандықтан нунчак суық қаруын тәркіледі

                                                                                   Полицейлер шығысқазақстандықтан нунчак суық қаруын тәркіледі

Глубокое ауданының тұрғыны заңсыз қару жасады деп күдіктелуде.

"Құқықтық тәртіп" ЖПІШ өткізу барысында полиция қызметкерлері 32 жастағы ауыл тұрғынынан нунчакты тауып, тәркіледі.

Сарапшының қорытындысына сәйкес, тәркіленген зат конструкциясы жеңілдетіліп, өзіндік тәсілмен жасалған соққы жасайтын суық қаруы болып табылады.

Осы факті бойынша ҚР ҚК-нің 288-бабы 4-бөлігі - Қаруды заңсыз дайындау бойынша сотқа дейінгі тергеу басталды. Аталған бап бойынша екі жүз айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не екі жүз қырық сағатқа дейінгі мерзімге қоғамдық жұмыстарға тартуға не елу тәулікке дейінгі мерзімге қамауға алу түріндегі жаза көзделген.

Айта кету керек, осы бапта көрсетілген заттарды өз еркімен тапсырған адам, егер оның әрекеттерінде өзге қылмыс құрамы болмаса, қылмыстық жауаптылықтан босатылады.

                                                                                                                                                                                     ШҚО ПД баспасөз қызметі