Серебрянск қаласы тұрғынынан тыйым салынған дәрі-дәрмектер тәркіленді

                                                                                 Серебрянск қаласы тұрғынынан тыйым салынған дәрі-дәрмектер тәркіленді

 

Аталған  факті бойынша сотқа дейінгі тергеу басталды.

Алтай ауданында жедел іс-шараларды өткізу барысында ШҚО ПД ЕҚҚІҚБ қызметкерлері есірткі заттарын заңсыз сақтады деп күдіктелген 66 жастағы Серебрянск қаласының тұрғынын ұстаған.

Тәртіп сақшылары оның үйінің гаражын тінту кезінде «Трамадол» және «Тропикамид» дәрі-дәрмектерін тауып, тәркілеген.

Сарапшының қорытындысына сәйкес, табылған таблеткалардың құрамында жалпы салмағы 15,98 грамм «трамадол» психотроптық заты бар.

Қазіргі уақытта ер адамға қатысты ҚР ҚК-нің 297 - бабы 3-бөлігі - есірткі, психотроптық заттарды, олардың аналогтарын өткізу, жөнелту немесе өткізу мақсатында заңсыз дайындау, қайта өңдеу, сатып алу, сақтау, тасымалдау бойынша сотқа дейінгі тергеп-тексеру жүргізілуде.

ШҚО ПД трамадол Қазақстандағы есірткі құралдарының тізіміне енгізілгенін ескертеді. Препаратты арнайы рұқсаты бар дәріханалар ғана сата алады.

                                                                                                                                                                                   ШҚО ПД баспасөз қызметі