Жүргізуші куәлігінен айырылған ер адам масаң күйде қаланы аралаған

                                                                                   Жүргізуші куәлігінен айырылған ер адам масаң күйде қаланы аралаған

Алтай қаласындағы көшелердің бірін патрульдеу кезінде полицейлер алкогольдің иісі шыққан 33 жастағы жергілікті тұрғынның басқаруындағы «ВАЗ-21074» маркалы автокөлікті тоқтатқан.

Әрі қарай тексеру барысында ер адам медициналық куәландырудан бас тартты.

Құқық бұзушының бұрын ҚР ҚК-нің 346-бабы 1-бөлігі бойынша жауапқа тартылғаны анықталды, нәтижесінде ол өмір бойы көлік құралын басқару құқығынан айырылған.

Осы факті бойынша ҚР ҚК-нің 346-бабы 1-бөлігі бойынша сотқа дейінгі тергеу басталды. Қазіргі уақытта сот-химиялық сараптама тағайындалды.

Жүргізушіге қатысты келуге міндеттеу түріндегі процестік мәжбүрлеу шарасы таңдалды.

                                                                                                                                                                                       ШҚО ПД баспасөз қызметі