ШҚО-да жүргізуші куәлігі жоқ мас ауыл тұрғыны көлік тізгіндеген

                                                                                    ШҚО-да жүргізуші куәлігі жоқ мас ауыл тұрғыны көлік тізгіндеген

Катонқарағай ауданының полицейлері көлікті масаң күйде басқарған жүргізушіні ұстады.

Патрульдеу барысында тәртіп сақшылары ауданның 50 жастағы тұрғынының басқаруындағы "Ваз-21010" автокөлігін тоқтатқан.

Жүргізуші 2021 жылы 8 жылға жүргізуші куәлігінен айырылғанына қарамастан көлік құралын басқарғаны анықталды.

Сондай-ақ, бұзушының мас күйде болғаны анықталды. Куәландыруға сәйкес, жүргізуші рульде орташа дәрежелі масаң күйде болған. Ер адам уақытша ұстау изоляторына қамалды.

Аталған факті бойынша полиция қызметкерлері ҚР ҚК-нің 346-бабы бойынша қылмыстық іс қозғады. Құқық бұзушы түрме жазасына кесілуі мүмкін. Сотқа дейінгі тергеу жүргізілуде.

                                                                                                                                                                                          ШҚО ПД баспасөз қызметі