ШҚО тұрғыны жалға алынған ойын консолін ұрлап кеткен

                                                                                 ШҚО тұрғыны жалға алынған ойын консолін ұрлап кеткен

Ойын консолін иемденген алаяқты Өскемен полицейлері анықтады.

Бұған дейін Өскемен қ.ПБ Үлбі полиция бөліміне 19 жастағы азамат өтініш білдірген болатын. Өтініш беруші белгісіз жігіт өзінің "Sony PS4" ойын консолін жалға алып, оны мерзімінен бұрын қайтармағанын айтқан. Залалдың жалпы сомасы 530 000 теңгені құраған.

Жүргізілген іздестіру іс-шараларымен жедел уәкілдер бұрын сотталған 22 жастағы күдіктіні анықтап, ұстады.

Осы факті бойынша ҚР ҚК-нің 190-бабы 1-бөлігі бойынша сотқа дейінгі тергеу басталды, оның ең жоғарғы санкциясы екі жылға дейінгі мерзімге бас бостандығынан айыру түріндегі жазаны көздейді.

                                                                                                                                                                                           ШҚО ПД баспасөз қызметі