ШҚО-да заңсыз аң аулау фактісі анықталды

                                                                                   ШҚО-да заңсыз аң аулау фактісі анықталды

 

"Браконьер" жедел-профилактикалық іс-шарасын өткізу барысында Самар ауылының шыға берісін патрульдеу кезінде полиция қызметкерлері "Ниссан" маркалы автокөлігін тоқтатқан.

49 жастағы азаматтың көлігінің салонын тексеру кезінде тәртіп сақшылары жабайы жануардың, болжам бойынша еліктің тушасын байқаған. Табиғатқа келтірілген залал 1 миллион теңгеден асты.

Осы факті бойынша ҚР ҚК-нің 337-бабы 1-бөлігі бойынша сотқа дейінгі тергеу басталды. Қазіргі уақытта жедел-тергеу шаралары жалғасуда, тиісті сараптамалар тағайындалды.

                                                                                                                                                                                      ШҚО ПД баспасөз қызметі