Ұлан ауданының тұрғыны бір тоннадан астам шаяндарды құжатсыз алып жүрген

                                                                               Ұлан ауданының тұрғыны бір тоннадан астам шаяндарды құжатсыз алып жүрген

Рейдтік іс – шараларды өткізу барысында «Күршім-Үлкен Нарын» тас жолында тиісті құжаттарсыз шаяндарды тасымалдаған Ұлан ауданының 44 жастағы тұрғынының басқаруындағы «Газель» автокөлігі тоқтатылған.

Көлікте жалпы салмағы 1241 келі болатын 92 қап тірі шаяндар бар екені анықталды.

Күршім ауданының инспекциясы залал сомасы шамамен 7 712 000 теңгені құрайтынын хабарлаған.

Сотқа дейінгі тергеу барысында жауап алу кезінде көлік жүргізушісі шаяндарды бұрын белгісіз адамдардан сатып алғанын, содан кейін оларды көлікке тиеп, сату үшін облыс орталығына шығуды жоспарлағанын жеткізді.

Осы факті бойынша ҚР ҚК-нің 335-бабы 1-бөлігі бойынша сотқа дейінгі тергеу жүргізілуде.

                                                                                                                                                                                      ШҚО ПД баспасөз қызметі