ШҚО тұрғынынан тіркелмеген қару-жарақ пен оқ-дәрілер табылды

                                                                                 ШҚО тұрғынынан тіркелмеген қару-жарақ пен оқ-дәрілер табылды

Полиция қызметкерлері  Шемонаиха ауданының тұрғынынан заңсыз сақталған қару мен оқ-дәрілерді тәркіледі.

Полицейлер тіркелмеген қаруды сақтау фактісін жедел-профилактикалық іс-шара барысында анықтаған. Күдікті ауданның 40 жастағы тұрғыны болып шықты. Ер адам өз үйінде 5 калибрлі «ТОЗ-8М»  маркалы мылтықты, сондай-ақ оның 15 патронын сақтаған.

Сараптама қорытындысына сәйкес, тәркіленген қарулар оқ атуға жарамды.

Аталған факті бойынша ҚР ҚК-нің 287-бабы 2-бөлігі «Қаруды, оқ-дәрілерді заңсыз сақтау» бойынша  сотқа дейінгі тергеу басталды.

Полицейлер оқ-дәрілер мен мылтықтарды заңсыз сақтау қылмыстық жауапкершілікке әкеп соғатынын  ескертеді. Тіркелмеген қару-жарақ пен оқ-дәрілерді ерікті түрде тапсыру жауапкершіліктен босатады.

 

                                                                                                                                                                                      ШҚО ПД баспасөз қызметі