Тарбағатайда балық ресурстарын заңсыз өндірген екі ер адам ұсталды

                                                                           Тарбағатайда балық ресурстарын заңсыз өндірген екі ер адам ұсталды

Зайсан көлінің жағалауында жедел-профилактикалық іс-шараларды өткізу барысында полиция қызметкерлері балық ресурстарын заңсыз өндірумен айналысқан 45 және 40 жастағы екі ер адамды ұстады.
Оқиға орнын тексеру кезінде тәртіп сақшылары: 131, 2 кг көксерке, 14 кг алабұға және 2 кг табан балығын тәркіледі. Шығын 917 838 теңгені құрады.
Аталған факті бойынша ҚР ҚК-нің 335-бабы 3-бөлігімен сотқа дейінгі тергеу басталды.
Күдіктілерге мүлкі тәркілей отырып, үш жылдан алты жылға дейінгі мерзімге бас бостандығын шектеу не сол мерзімге бас бостандығынан айыру қаупі төніп тұр.

                                                                                                                                                                                        ШҚО ПД баспасөз қызметі