ШҚО тұрғыны діни сипаттағы материалдарды таратқан

                                                                                    ШҚО тұрғыны діни сипаттағы материалдарды таратқан

Діни сипаттағы материалдарды таратқан ер адамға қатысты ҚР ӘҚБтК-нің 490-бабы 3-тармағының 1-бөлігімен әкімшілік хаттама толтырылды.

ШҚО ПД Экстремизмге қарсы іс-қимыл басқармасының қызметкерлері жедел-іздестіру іс-шараларын жүргізу барысында облыстың 66 жастағы тұрғынының Өскемен қаласының дәмханаларының бірінде діни әдебиет тарату фактісін анықтады.

Жиналған материалдар Дін істері басқармасына жіберілді, жүргізілген дінтану сараптамасының нәтижелері бойынша ұсынылған брошюралар мен буклеттердің діни мазмұны расталды.

Жоғарыда аталған ер адам ҚР ӘҚБтК – нің 490-бабы 3-тармағының 1-бөлігі, яғни діни әдебиеттерді және діни мазмұндағы өзге де материалдарды, діни мақсаттағы заттарды тарату бойынша әкімшілік жауапкершілікке тартылды. Енді ер адамға 50 айлық есептік көрсеткіш мөлшерінде айыппұл төлеуге тура келеді.

                                                                                                                                                                                        ШҚО ПД баспасөз қызметі