Қаруды заңсыз сақтау айыппұлға әкелді

ШҚО ПД жедел қызмет уәкілдеріне Катонқарағай ауданының 52 жастағы тұрғыны өзінің шалғай учаскесінде тіркелмеген қаруды сақтайды деген ақпарат келіп түскен.

 

Өтінішті алған тәртіп сақшылары дереу тексеруге кірісті, оның барысында аталған ер адамнан 16 калибрлі тегіс ұңғылы қос ұңғылы мылтық табылып, тәркіленген.

 

Аталған факті бойынша ҚР ӘҚБтК-нің 482-бабымен - ішкі істер органдарында тіркелмеген тегіс ұңғылы, газ қаруын және оның патрондарын заңсыз сатып алу, беру, өткізу, сақтау, алып жүру, тасымалдау туралы әкімшілік хаттама толтырылды, бұл жеке тұлғаларға қару тәркілеумен жиырма айлық есептік көрсеткіш мөлшерінде айыппұл салуға  әкеп соғады.

                                                                                                                                                                                                 ШҚО ПД баспасөз қызметі