ШҚО полицейлері кезекті борышкерді анықтады

                                                                           ШҚО полицейлері кезекті борышкерді анықтады

Ағымдағы жылдың маусым айында Өскемен қаласы полиция басқармасының Көші-қон қызметі бөліміне облыс орталығының 23 жастағы тұрғынынан 4 322 226 теңге сомасында қарызды өндіріп алу туралы жеке сот орындаушысының қаулысы келіп түскен.

Іздеу шаралары барысында көші-қон қызметінің қызметкерлері борышкердің Ресей Федерациясы Краснодар қаласында орналасқан жерін анықтады. Енді сот орындаушылары қарызды өндіріп алумен айналысады, - деді ШҚО ПД Көші-қон қызметі басқармасы бастығының міндетін уақытша атқарушы Ринат Шкибаев.

Жыл басынан бері ШҚО Полиция департаменті осындай 50-ден астам борышкерді анықтады, қазіргі уақытта оларға қатысты борыштар өндіріліп алынуда.

ШҚО ПД Көші-қон қызметі атқарушылық құжатты орындамағаны үшін ҚР ӘҚБТК-нің 669-бабы бойынша әкімшілік жауапкершілік және ҚР ҚК-нің 139-бабымен қылмыстық жауапкершілік көзделгенін ескертеді.

                                                                                                                                  ШҚО ПД баспасөз қызметі