Жекелеген қару түрлерінің айналымына мемлекеттік бақылау жасау туралы
Шығыс Қазақстан облысының полиция департаменті еске салады, яғни Қазақстан Республикасының «Жекелеген қару түрлерінің айналымына мемлекеттік бақылау жасау туралы» және «Мемлекеттік көрсетілетін қызметтер туралы» Заңдарына, сондай-ақ Қазақстан Республикасы Ішкі істер министрінің №254-2020 жылғы бұйрығымен бекітілгенін «Азаматтық және қызметтік қару және олардың патрондары, азаматтық пиротехникалық заттар мен олар қолданылып жасалған бұйымдардың қару айналымы саласында мемлекеттік қызметтер көрсету қағидалары» мемлекеттік көрсетілетін қызметтер стандартына(бұдан әрі-Стандарт) сәйкес жүзеге асырады.
2018 жылдан бастап қару айналымы саласында мемлекеттік қызметтер көрсету нысаны электрондық форматқа ауыстырылды, өтініш беру «электрондық үкімет» веб-порталы арқылы жүзеге асырылады «elicense.kz».
Стандартқа сәйкес Қазақстан Республикасы азаматтарының тұрғылықты жері бойынша Ішкі істер органдарынан қарудың нақты түрін сатып алуға рұқсат алғаннан кейін 21 жасқа толғанда азаматтық қаруды сатып алуға құқығы бар.
Мемлекеттік қызметті алу үшін жеке немесе заңды тұлға портал арқылы «Жеке және заңды тұлғаларға азаматтық және қызметтік қару мен оның патрондарын сатып алуға, сақтауға, сақтау мен алып жүруге, тасымалдауға рұқсат беру»мемлекеттік көрсетілетін қызмет стандартында келтірілген мемлекеттік қызметті көрсету үшін қажетті құжаттар тізбесін жібереді.
Заңның 15-бабының 1-тармағына және Стандарттың 1-қосымшасының 8-тармағының 1-тармағына сәйкес қаруды сақтау мерзімі аяқталғаннан кейін оны сатып алуға, сақтауға, сақтауға және алып жүруге рұқсат алу үшін келесі құжаттарды тіркеу қажет:
- медициналық қорытындының электрондық көшірмесі Қазақстан Республикасы Денсаулық сақтау министрлігінің 24.01.2023 жылғы №13 бұйрығымен белгіленген 076/у нысаны;
- қаруды қауіпсіз пайдалану қағидаларын білуін тексеруден өткені туралы анықтаманың электрондық көшірмесі;
- күзет саласындағы уәкілетті органның белгіленген нысандағы аңшы куәлігінің электрондық көшірмесі Қазақстан Республикасы АШМ-гі 02.02.2018 жылғы №60 бұйрығы;
- Қазақстан Республикасының салық заңнамасына сәйкес мемлекеттік баж;
- ойық қаруыдың оқтары мен жеңдерін бақылау ату туралы актінің электрондық көшірмесі.
Мемлекеттік қызметті көрсету мерзімі өтінішті қабылдаған және тіркеген сәттен бастап 15 (он бес) жұмыс күнін құрайды.
Құжаттар топтамасы толық ұсынылмаған немесе қолданылу мерзімі өткен құжаттар ұсынылған жағдайда, Сізге қызмет көрсетуден бас тартылады.
Сонымен бірге, сигналдық қару, механикалық шашыратқыштар, көзден жас ағызатын немесе тітіркендіретін заттармен жарақталған аэрозольдық құрылғылар, үрлемелі қуаты 7,5 Дж-ден аспайтын және калибрі 4,5 мм-ге дейін қоса алғанда пневматикалық қару, қаруға конструкциялық жағынан ұқсас бұйымдар он сегіз жасқа толған Қазақстан Республикасы азаматтары,соттылығының, қаруды иеленуге медициналық қарсы көрсетілімдерінің жоқтығы туралы анықтамаларды және қаруды қауіпсіз ұстау қағидаларын білуін тексеру жөніндегі анықтаманы ұсынғаннан кейін, өнім беруші заңды тұлғалардан рұқсат алмай-ақ сатып алуға құқығы бар.
Тегіс ұзын ұңғылы атыс қаруын аңшы куәлігінсіз, тұрғылықты жері бойынша ішкі істер органдары беретін рұқсаттар бойынша алып жүру құқығынсыз өзін-өзі қорғау мақсатында сатып алуға құқығы бар.
Меншігінде кемінде үш жыл бойы тегіс ұзын ұңғылы аңшылық атыс қаруы бар, белгіленген тәртіппен аң аулауға құқық берілген Қазақстан Республикасы азаматтарының ойық ұңғылы аңшылық атыс қаруын сатып алуға құқығы бар.