Автокөлікті тегін алуға тырысу сәтсіз аяқталды

                                                                                   Автокөлікті тегін алуға тырысу сәтсіз аяқталды

Ұлан ауданының 19 жастағы тұрғыны Өскемен қ. ПБ Үлбі ПБ-нің кезекші бөліміне хабарласып, алаяқтық фактісі туралы хабарлаған. Жәбірленушінің айтуынша, белгісіз ер адам Тихая көшесінде жүргенде сатып алу сылтауымен оның «ВАЗ-2114» маркалы автокөлігін алдап иемденіп, осылайша 2 000 000 теңге сомасы көлемінде залал келтірген.

Жедел-іздестіру іс-шараларын жүргізу кезінде криминалдық полиция қызметкерлері жауап алу барысында мойындау көрсетпесін берген облыс орталығының 24 жастағы тұрғынын анықтап, ұстаған.

Аталған факті бойынша ҚР ҚК-нің 190-бабы 1-бөлігі бойынша сотқа дейінгі тергеу жүргізілуде.

                                                                                                                                    ШҚО ПД Баспасөз қызметі