ШҚО-да мал ұрлаушылар тобы ұсталған

                                                                                    ШҚО-да мал ұрлаушылар тобы ұсталған

Облыстың үш тұрғыны бөтеннің жылқысын атып, оны әрі қарай сату үшін бөлшектелген.

ШҚО ПД патрульдік полиция батальонының қызмет инспекторлары таңертең "Шешек" асуында патрульдеу барысында Күршім ауданының 29 жастағы тұрғынының басқаруындағы шамадан тыс жүгі бар автокөлікті тоқтатқан, автокөліктің салонында жүргізушіден басқа тағы екі жолаушы болған.

Көлік құралын тексеру кезінде тәртіп сақшылары магистральдан тиісті құжаттарсыз тасымалданатын бөлшектелген жануардың тушасын тауып, сонымен қатар полицейлер көліктің жанынан мылтықты көрген.
Жолаушылардың бірі көлікке қарай келе жатқан полиция қызметкерлерін көріп, қылмыс қаруынан, атап айтқанда атыс қаруынан құтылуға шешім қабылдаған. Ол автокөліктің есігін ашып, мылтықты қарға лақтырғаны белгілі болған.

Жауап алу кезінде күдіктілер түнгі сағат екіде Ұлан ауданы Мамай батыр ауылына қарай қандай да бір мақсатпен кеткендері туралы көрсетпе берген. Ер адамдар жақын жерде жайылып жүрген жылқыны мылтықпен атып өлтіріп, тушаны бөлшектеп, Өскеменге барар жолда жануардың терісі мен басын лақтырып жіберіп әрі қарай етті сату үшін жолға шыққан.

Аталған факті бойынша сотқа дейінгі тергеу басталды, оның барысында қылмыстық топ бұрын Ұлан ауданының аумағында мал ұрлығымен айналысқаны анықталды. Қазіргі уақытта тергеу іс-шаралары жалғасуда.
Қаскүнемдерге қатысты ҚР ҚК-нің 188-1-бабы 2-бөлігі бойынша қылмыстық іс қозғалған. Ер адамдарға үш жылдан жеті жылға дейін бас бостандығынан айырылу жазасы көзделген.

                                                                                                                                     ШҚО ПД Баспасөз қызметі