Төрт күннің ішінде 185 адамға қатысты қорғау нұсқамалары шығарылды

                                                                            Төрт күннің ішінде 185 адамға қатысты қорғау нұсқамалары шығарылды

25 қараша 10 желтоқсан аралығында облыс аумағында мүдделі мемлекеттік органдары, үкіметтік емес ұйымдар, жұртшылықты жұмылдыра отырып, «Зорлық-зомбылықсыз 16 күн» республикалық акциясы өткізілуде.

Акцияның төрт күнінде полиция қызметкерлерімен тұрғылықты жерлері бойынша ішкі істер органдарының есебінде тұрған 3500 астам адам тексерілді. Акцияның басынан 185 адамға қатысты қорғау нұсқамасы шығарылды, сот тәртібімен 23 адамға қатысты ерекше талаптар орнатылды.

Атап айтқанда, 27 қарашада Глубокое АПБ ЖПҚБ УПИ есептегі адамдарды тексеру барысында, «Қорғау нұсқамасы шығарылған адам» санаты бойынша есепте тұрған, Алтайский кентінің 48 жасар тұрғынының тарапынан құқық бұзушылық анықталды. Ер азамат мас күйінде бола тұра, некесіз бірге тұратын әйел азаматшасына қатысты жан-жал шығарып, күш қолданумен қорқытқан. Құқық бұзушыға қатысты тәртіп сақшылары ҚР ӘҚБтК-нің 461 бабында көзделген құқық бұзу фактісі бойынша әкімшілік хаттама толтырды.

Аталған әкімшілік өндіріс ісі қосымша құжаттар жиналу және әрі қарай сот қарауына жолдау үстінде.

Осыған ұқсас жағдай Серебрянка қаласында орын алған. Алайда, осы жолы отбасылық жанжал шығарушының құрбаны оның әкесі болып шықты. Ер азаматты бір жұма бұрын есепке алған екен, екі күн өтпестен ол қорғау нұсқаманың талаптарын бұзуға жол берген. Ер азаматты ҚР ӘҚБтК-нің 461 бабы бойынша жауапқа тартты.

Құрметті азаматтар, егерде Сізге отбасындағы зорлық-зомбылық фактілері белгілі болса немесе өзіңіз рсындай зорлықтың құрбаны болсаңыз, ол туралы үндемеуге жол бермеңіз!

                     

                                                                                                                                   ШҚО ПД Баспасөз қызметі