Облыс орталығы көшелерінің бірінде кезекті есірткі қойып кетушілер ұсталған

                                                                           Облыс орталығы көшелерінің бірінде кезекті есірткі қойып кетушілер ұсталған

«Рефлекс» жедел-профилактикалық іс-шарасын өткізу аясында Есірткі қылмысына қарсы іс-қимыл басқармасының қызметкерлері ҚР ҰҰ арнайы мақсаттағы бөлімшесімен және ШҚО ПД КҚО-мен бірлесіп Шығыс Қазақстан облыстық орталығының Меновное кентінде интернет-дүкеннің екі «курьер-қойып кетушісін" ұстаған. Белгілі болғандай, күдіктілердің бірі әлі кәмелеттік жасқа толмаған.

Тәртіп сақшылары тінту жүргізген, оның барысында ұсталғандардан электр таспасына оралған 48 буманы тәркіленген. Сараптама көрсеткендей, олардың құрамында 20 грамнан астам "Альфа-пирролидиновалерофенон" психотроптық заты болған.

Қазіргі уақытта қаскөй жасөспірім үйқамағында, ал оның сыбайласы уақытша ұстау изоляторына қамалды.

Аталған факті бойынша ҚР ҚК-нің 297-бабы 3-бөлігі (Есірткі құралдарын, психотроптық заттарды, олардың аналогтарын өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту не өткізу) бойынша сотқа дейінгі тергеу басталды. Аталған қылмыс үшін мүлкін тәркілеп, 15 жылға дейінгі мерзімге бас бостандығынан айыру жазасы көзделген.

 

                                                                                                                                     ШҚО ПД Баспасөз қызметі