ШҚО Полиция департаментінде Республика күні салтанатты түрде атап өтілді

                                                                            ШҚО Полиция департаментінде Республика күні салтанатты түрде атап өтілді

Биыл 13 жыл араға салып Қазақстанда Ұлттық мереке — Республика күні атап өтілуде. Мемлекет басшысының жарлығымен ол мемлекеттік мереке ретінде күнтізбеге енгізілді.

22 қазанда ШҚО Полиция департаментінің мәжіліс залында Республика күніне арналған салтанатты іс-шара өтті.

Іс-шараның ашылу салтанатында ШҚО ПД бастығы полиция полковнигі Серік Жүнісбеков жиналғандарды құттықтау сөзімен қарсы алып, зор денсаулық, әр шаңыраққа бақыт, береке-бірлік тіледі.

Республика күніне орай қызметтік міндеттерін адал атқарғаны, жұмыста жоғары нәтижелерге қол жеткізгені үшін ҚР Ішкі істер министрі полиция генерал-полковнигі Марат Мұратұлы Ахметжановтың бұйрығымен ШҚО ПД-ның төрт қызметкеріне мерзімінен бұрын арнайы шендері, сондай – ақ атқаратын штаттық лауазымынан бір саты жоғары арнайы шені берілді, тағы 2 қызметкер ведомстволық награда - "Құқық тәртібін қамтамасыз етуге қосқан үлесі үшін" медалімен барлығы 15 қызметкер марапатталды. Сонымен қатар, ШҚО ПД-ның 47 қызметкері ШҚО Полиция департаментінің бастығы полиция полковнигі С.Т. Жүнісбековтың бұйрығымен алғыс хаттармен және граматолармен марапатталды.

Салтанатты шара мерекелік концертпен аяқталды.

                                                                                                                                  ШҚО ПД Баспасөз қызметі