ШҚО-ның үш мыңға жуық тұрғыны тыныштықты бұзғаны үшін жауапқа тартылған

                                                                           ШҚО-ның үш мыңға жуық тұрғыны тыныштықты бұзғаны үшін жауапқа тартылған

Пәтерді жөндеу, көңілді мерекелер, қатты музыка, мазасыз үй жануарлары – мұның бәрі Әкімшілік кодекстің бабын бұзуы мүмкін. Әрдайым емес, тек түнде-жұмыс күндері таңғы 9-дан 22-ге дейін, демалыс және мереке күндері таңғы 10-нан 23-ке дейін.

Егер сіз аталған мәселелердің біріне тап болсаңыз, не істеу керек және қалай істеу керек?

Бастау үшін наразылығыңызды ауызша білдіріңіз, мысалы, көршілеріңізден музыканы өшіруді немесе тыныштандыруды сұраңыз. Егер сіздің өтінішіңіз еленбесе, бұл жағдайда сіз тәртіп сақшыларына хабарласуыңыз керек.

Қазақстан Республикасы Әкімшілік құқық бұзушылық туралы Кодексінің (бұдан әрі - ӘҚБтК) 437-бабының 1-бөлігіне сәйкес, таңертеңгі сағат 9-дан 22-ге дейін тыныштықты бұзу, оның ішінде жеке тұлғалардың қалыпты демалуына және тыныштығына кедергі келтіретін, шұғыл қажеттілікпен байланысты емес, шумен сүйемелденетін тұрғын үйде және одан тыс жұмыстарды жүргізу, сол сияқты тыныштықты бұзу тұрғын үйлерде және тұрғын үй құрылысы аумақтарында орналасқан ойын-сауық мекемелері жұмыс күндері таңғы 9-дан 22-ге дейін, демалыс және мереке күндері таңғы 10-нан 23-ке дейін – жеке тұлғаларға – 5, шағын кәсіпкерлік субъектілеріне немесе коммерциялық емес ұйымдарға – 20, орта кәсіпкерлік субъектілеріне – 30, ірі кәсіпкерлік субъектілеріне-100 АЕК (айлық есептік көрсеткіш) мөлшерінде айыппұл салуға әкеп соғады.
Әкімшілік жаза қолданылғаннан кейін бір жыл ішінде қайталап жасалған дәл осындай әрекет – жеке тұлғаларға – он, шағын кәсіпкерлік субъектілеріне немесе коммерциялық емес ұйымдарға – қырық, орта кәсіпкерлік субъектілеріне-алпыс, ірі кәсіпкерлік субъектілеріне-жүз елу айлық есептік көрсеткіш мөлшерінде айыппұл салуға әкеп соғады.
Сіз полицияға 102 нөміріне қоңырау шалып, учаскелік инспекторды шақыруға құқығыңыз бар, онда ӘҚБтК-нің 685-бабына сәйкес инспектор жасалған әкімшілік құқық бұзушылық үшін әкімшілік жазаларды қарауға және қолдануға құқылы.

Жыл басынан бері Шығыс Қазақстанда тыныштықты бұзғаны үшін 2 914 құқық бұзушы әкімшілік жауапкершілікке тартылған.

Полиция департаменті көршілеріне құрметпен қарауды және заңдылықтың бұзылуына жол бермеуді сұрайды.

                                                                                                                                ШҚО ПД Баспасөз қызметі