Семейдің екі тұрғыны "жалған сатып алушымен " автокөлік сатып алу туралы мәміле жасаған

                                                                     Семейдің екі тұрғыны "жалған сатып алушымен " автокөлік сатып алу туралы мәміле жасаған

 

Ағымдағы жылдың маусым айының соңында Семей қ.ПБ Орталық ПБ "102" жедел арнасына 39 жастағы қала тұрғыны хабарласып, таныс емес жігіт сатып алу сылтауымен оның «ВАЗ» көлігін иемденгенін айтты. Алайда, көлік қаскүнемнің қолына түскеннен кейін, ол «сатып алу» үшін ешқандай төлем жасамаған.

Жедел-іздестіру шараларын жүргізу барысында күдікті ұсталды. Қылмысқа қатысы бар Жарма ауданының 27 жастағы тұрғыны ұсталды. Жауап алу кезінде қаскүнем өз кінәсін мойындады.

Тексеру барысында ер адам тағы бір жәбірленушіні алдағаны белгілі болды, ол 27 жастағы семейлік әйел болып шықты, ол да маусым айының соңында полицияға жүгінген. Жәбірленушінің айтуынша, «жалған сатып алушы» осыған ұқсас жолмен оның «ВАЗ» көлігін де иемденген.

Зардап шегушіге келтірілген жалпы сома 1 500 000 теңгеден аса бағаланады.

Ұсталған адамға қатысты келу туралы міндеттеме түрінде бұлтартпау шарасы таңдалды.

Аталған факті бойынша ҚР ҚК 190-бабы - алаяқтық бойынша сотқа дейінгі тергеу амалдары жүргізілуде.

 

                                                                                                                                 ШҚО ПД Баспасөз қызметі