Шығыс Қазақстанда «Отбасындағы зорлық-зомбылыққа жол жоқ!» акциясы басталды

                                                           Шығыс Қазақстанда  «Отбасындағы зорлық-зомбылыққа жол жоқ!» акциясы басталды

 

Құқықтық тәртіп сақшылары халықтың қалың жігін таныстыру және отбасы-тұрмыстық қатынастар саласында жасалатын құқық бұзушылықтардың алдын алу мақсатында 13-21 маусым аралығында облыс аумағында   «Отбасындағы зорлық-зомбылыққа жол жоқ !» акциясын өткізуде.

Акция профилактикалық сипатқа ие және халықты отбасындағы тұрмыстық зорлық-зомбылыққа жол бермеу, ана мен баланы қорғау, отбасының қоғамдағы рөлін нығайту бойынша қолданылатын шаралармен таныстыруға бағытталған.

ШҚО полицейлері тұрақты негізде 77-46-76 сенім телефоны бойынша түсіндіру жұмыстарын жүргізуде. Отбасы-тұрмыстық қатынастар саласындағы мәселелерге тегін кеңес беру және түсіндіру бойынша « жедел желі» жұмысы ұйымдастырылды (77-19-22, 8-771-44-511-44 телефондары бойынша).

Бұдан басқа, тұрмыста құқық бұзушылық жасауға бейім адамдардың, сондай-ақ тұрмысы нашар отбасылардың тұрғылықты жері бойынша тексеру жүргізіледі.

Оларға қатысты қорғау нұсқамалары шығарылған және мінез-құлқына ерекше талаптар белгіленген адамдардың белгіленген шектеулерді сақтауына ерекше назар аударылады.

Азаматтар көп жиналатын жерлерде аталған тақырыпта билбордтар мен плакаттар орналастырылады, сондай-ақ тұрмыстық зорлық-зомбылықтың алдын алу жөніндегі жадынамалар мен буклеттер таратылады.

ШҚО Полиция департаменті азаматтарды зорлық-зомбылық фактілері туралы жасырып қалмай, полицияға жүгінуге шақырады.

 

                                                                                                                          ШҚО ПД баспасөз қызметі