Семейде есірткінің аса ірі партиясы тәркіленді

                                                   Семейде есірткінің аса ірі партиясы тәркіленді

 

Шығыс Қазақстан облысының полицейлері есірткі қылмысына қарсы іс-қимылды күшейтуге бағытталған «Қарасора» жедел алдын алу іс-шарасын жалғастыруда.

Жүргізілген жедел іс-шаралар нәтижесінде Семей қаласында есірткі заттарын жеткізу және өткізу арнасын реттемек болған 38 жастағы қала тұрғыны анықталды.

Жедел уәкілдер қаскөйді қылмыс үстінде ұстады.

Тінту барысында оның үйінен 25 кг-нан астам «марихуана» есірткі заты табылды.

ШҚО Полиция департаменті бастығының орынбасары Талғат Шаяхметов атап өткендей: «күдікті «марихуананың» ірі партиясын 335 дана полиэтилен пакетке салып, оларды қала жастарына одан әрі сату үшін дайындады. Қазіргі уақытта оның әрекеттері ҚР ҚК-нің 296-бабы 4-бөлігі бойынша сараланады және соттың санкциясымен ол қамауға алынды».

 

                                                                                                ШҚО ПД баспасөз қызметі