ШҚО тұрғыны үш жыл бойы алимент төлемей, 300 мың теңгеге жуық қарызға батқан

                                                     ШҚО тұрғыны үш жыл бойы алимент төлемей, 300 мың теңгеге жуық қарызға батқан

 

2022 жылдың басынан бері Шығыс Қазақстандық полицейлер өз балаларына алимент төлеуден жасырынып жүрген 80-нен астам азаматты анықтады.

Бір мысал Көкпекті ауданында болған, сәуір айының басында полиция бөліміне жеке сот орындаушысынан 3 жыл бойы балаларын асырау үшін алимент төлемеген 42 жастағы азаматты іздеуге беру туралы қаулы қабылданған. Жедел іздестіру шаралары барысында көші-қон қызметінің қызметкерлері бір тәулік ішінде іздестіру ісін бастамастан, алимент төлеуден өрескел жалтарып жүрген азаматты Жарма ауданынан анықтады.

Ер азаматтың айтуынша, ресми түрде жұмыс істемегендіктен 3 жылдан астам уақыт бойы алимент төлемеген, қарыз сомасы шамамен 300 000 теңгені құраған. Енді оның қарызын өндірумен сот орындаушылар айналысатын болады.

Көші-қон қызметі атқарушылық құжатты орындамағаны үшін заңда әкімшілік (ҚР ӘҚБтК 669 бабы) және қылмыстық (ҚР ҚК 139 бабы) жауапкершілік қарастырылғанын ескертеді.

                                                                                         

                                                                                          ШҚО ПД баспасөз қызметі