ШҚО полицейі кикбоксингтен Қазақстан чемпионатында қола медаль жеңіп алды

                                                     ШҚО полицейі кикбоксингтен Қазақстан чемпионатында қола медаль жеңіп алды

 

Наурыз айының ортасында Нұр-Сұлтан қаласында кикбоксингтен ерлер мен әйелдер арасында Қазақстан чемпионаты өтті, оған 17 команда, оның ішінде  еліміздің түкпір-түкпірінен жиналған 200 спортшы қатысты.

Шығыс Қазақстан облысы құрамасының спорттық намысын оқу-жаттығу взводының қызметкері, 3-санатты аға инспекторполиция майоры Аслан Еркінбекұлы Нұрсапанов қорғап, 91 кг салмақ дәрежесінде өзінің кәсіби шеберлігінің арқасында қола медальға ие болды.

- Жарыс жоғары деңгейде өтті, іс-шараның үздік ұйымдастырылғанын атап өткім келеді , - деп бөлісті полиция майоры Нұрсапанов.

Аслан Еркінбекұлы бала кезінен бокс және кикбоксингпен айналысып, спорт саласында еңбек сіңірген жаттықтырушы Ержан Шегеновтің басшылығымен Б.Александров атындағы спорт сарайында жаттыққан. Сонымен қатар, 2007-2011 жылдар аралығында Б. Бейсенов атындағы ҚР ІІМ академиясында оқып жүрген кезде қоян-қолтық ұрыс пен кудо спорт түрінен түрлі жарыстарға қатысты. Бүгінгі таңда ол күн сайын шеберлігін шыңдау үшін бірнеше сағат өзіңе көңіл  бөліп жаттығады.

- Жаңа белестерді бағындыруда көрсеткен қолдаулары үшін бөлініс командиріне, сондай-ақ ШҚО Полиция департаментінің басшылығына зор алғысымды білдіргім келеді, - деді полиция майоры Аслан Нұрсапанов.

                                                     

                                                                                           ШҚО ПД баспасөз қызметі