Өскемен тұрғыны зейнеткерлерді алдап, несие рәсімдеген

   

                                              Өскемен тұрғыны зейнеткерлерді алдап, несие рәсімдеген

 

2021 жылдың желтоқсан айының соңында Өскемен қаласы Полиция басқармасы Үлбі ПБ кезекші бөліміне алаяқтықтың құрбаны болған 2 зейнеткер әйел арызбен жүгінген.

Жәбірленушілердің айтуынша, жаз кезінде қаскөй көмектесемін деп, алдап қос зейнеткердің атына шағын несие ұйымдарынан ақшалай қарыз ресімдеген. Келтірілген залалдың жалпы сомасы 240 000 теңгені құрады.

Жедел-іздестіру шаралары барысында полиция қызметкерлері күдіктіні анықтап, ұстады. Ол 70 жастағы жергілікті тұрғын болып шықты. Жауап алу барысында күдікті кінәсін мойындады.

Аталған факті бойынша ҚР ҚК-нің 190 - бабының 1-бөлігі-алаяқтық бойынша сотқа дейінгі тергеу басталды.

                                                                                             ШҚО ПД баспасөз қызметі