Есірткі сақтаған Көкпекті ауданының тұрғыны ұсталды

Есірткі сақтаған Көкпекті ауданының тұрғыны ұсталды

Ағымдағы жылдың желтоқсан айының басында «Құқықтық тәртіп» жедел-профилактикалық іс-шарасын өткізу кезінде Көкпекті АПБ полиция қызметкерлері Көкпекті ауылының 46 жастағы тұрғынының есірткіні заңсыз сақтау фактісін анықтады. Жедел тінту жүргізу барысында үйден ерекше иісі бар өсімдік тектес зат оралған 6 қағаз түйіншек табылды, сондай-ақ гараждан дәл осындай заты бар шыны банка мен полиэтилен пакет табылды.

Сараптама қорытындысына сәйкес жалпы салмағы – 195,46 грамм, марихуана, 4,44 грамм өсімдік тектес «кептірілген марихуана» заты екенін көрсетті.

Аталған факті бойынша ҚР ҚК - нің 296-бабының 2-бөлігі- «Есірткі құралдарын, психотроптық заттарды, сол тектестерді өткізу мақсатынсыз заңсыз дайындау, қайта өңдеу, сатып алу, сақтау, тасымалдау» бойынша сотқа дейінгі тергеу басталды, оның санкциясы 40 тәулікке дейін қамауға алуды көздейді.

                                                                                      ШҚО ПД баспасөз қызметі