ШҚО полицейлері жолда қалған автобус жолаушыларына көмектесті

ШҚО полицейлері жолда қалған автобус жолаушыларына көмектесті

05.10.2021 ж. Үржар аудандық полиция бөлімінің «102» жедел арнасына Алматы - Өскемен тасжолында автобустың қозғалтқышы істен шыққаны туралы хабарлама келіп түсті, онда жүргізуші мен оның көмекшісінен басқа 27 жолаушы болған.

Далада күн суық, ауа температурасы -6 градусты құрап, жаңбыр жауып тұрған, жылу жүйесі өшіп қалғандықтан, автобус салонын лезде суып кеткен.

Оларға көмекке ШҚО ПД патрульдік полиция ротасының қызметкерлері Нұржан Мырзабаев пен Ерік Тұрсынов және Үржар ПБ учаскелік полиция инспекторы Қайсар Кабиров келді.

Қабылданған шаралармен автобус жолаушылары Қаракөл ауылының маңында жол жөндейтін «Астана Авто Строй» ЖШС жатақханасына жеткізіліп, орналастырылды.

Полиция қызметкерлері сынған автобусты ТЖО-ға сүйреп апарып, жөндеге қажет нәрселерді жеткізіп берді.

Автобус жүргізушісі мен оның көмекшісі көрсеткен қамқорлығы мен қамқорлығы үшін полицейлерге алғыс білдірді.

                                                                               ШҚО ПД баспасөз қызметі