Өскеменде бұзақылар қала тұрғындарын себепсіз соққы астына алған

Өскеменде бұзақылар қала тұрғындарын себепсіз соққы астына алған

Бірнеше күн бұрын Өскемен қ. ПБ Ертіс полиция бөлімінің «102» жедел арнасына Глубокое ауданының 29 жастағы тұрғыны жүгінді. Ол түнгі уақытта қала аудандарының бірінде белгісіз тұлғалар бұзақылық ниетпен оған және оның танысына дене жарақатын салғанын хабарлады. «Таяқ астында» қалған жәбірленушілер алған жарақатымен қалалық ауруханаға жүгінді.

Сот-медициналық сараптама тағайындалды.

- Өскемен қ. ПБ ЖБО бейнебақылау көмегімен патрульдік полиция жасақтары 24 және 23 жастағы екі жас жігітті ізін суытпай ұстап, жеткізді, олар жауап алу кезінде өз мойындарын берді, -деді ШҚО ПД бастығы Сағат Мадиев.

Аталған факті бойынша ҚР ҚК 293-бабы 2-бөлігі бойынша сотқа дейінгі тергеу амалдары жүргізілуде.

                                                                                          ШҚО ПД баспасөз қызметі