Семей тұрғыны көлікті айдап әкетіп артынан өртеп жіберген

Семей тұрғыны көлікті айдап әкетіп артынан өртеп жіберген

Бірнеше күн бұрын Семей қ. ПБ Әуезов полиция бөлімінің «102» жедел арнасына 29 жастағы қала тұрғыны жүгінді, ол 05-08 наурыз аралығында белгісіз біреулер үйдің ауласына қойылған «ВАЗ» көлігін айдап кеткенін хабарлады. Материалдық шығын 1 600 000 теңгені құрады.

Патрульдік полиция қызметкерлері бірден «Тосқауыл» жоспарын жариялады. Сол күні Әуезов полиция бөлімінің кезекші бөліміне қаланың тағы үш тұрғыны белгісіз адамдардың көліктерін өртеп жібергені туралы хабарласты.

- Криминалдық полиция қызметкерлерімен жедел ізге түсумен ізін суытпай 24 жастағы күдікті азамат ұсталды. Тергеу амалдары барысында 05-06 наурызға қараған түні 24 жастағы жергілікті тұрғын автокөлік ұрлағанын және үш көлікті қасақана өртегенін анықтады. Ұсталған кезде күдікті мойындады. Өрт-техникалық сараптама тағайындалды,- деді ШҚО ПД бастығы Сағат Мадиев.

Аталған факті бойынша ҚР ҚК 200-бабы 1-бөлігі, 202-бабы 2-бөлігі бойынша сотқа дейінгі тергеу амалдары жүргізілуде.

                                                                                  ШҚО ПД баспасөз қызметі