ШҚО-да су айдындарындағы қауіпсіздік: полиция балалар мен демалушыларды қорғау мақсатында рейдтер жүргізуде

Жаздың ыстық күндері өңірдің су айдындары көптеген демалушылардың басын қосады. Төтенше жағдайлардың алдын алу үшін Шығыс Қазақстан облысы Полиция департаментінің қызметкерлері басқа да мүдделі ведомстволармен бірлесіп, тұрақты түрде алдын алу жұмыстарын жүргізіп келеді. Шомылу маусымы басталғалы бері облыста 800-ге жуық рейд ұйымдастырылды.

Тәртіп сақшыларының басты мақсаты — тұрғындарға ескерту жасап, демалыс кезіндегі тәртіпті еске салу. Шомылуға тыйым салынған бейресми жағажайларға және балалардың қауіпсіздігін қадағалауға ерекше назар аударылады.

Тексеру барысында полицейлер ересектердің қарауынсыз қалған кәмелетке толмағандарды жиі анықтап, азаматтардың масаң күйде су айдындарының маңында жүру деректеріне жол бермейді.

ШҚО Полиция департаменті қауіпсіздіктің маңызды шараларын сақтауға шақырады:

Тек арнайы жабдықталған және рұқсат етілген орындарда ғана шомылу.
Балаларды су жанында қараусыз қалдырмау.
Мас күйінде су айдындарына бармау.
Шағын көлемді кемелерді пайдалану кезінде құтқару кеудешелерін міндетті түрде кию.

Әрбір адамның қауіпсіздігі ең алдымен жеке жауапкершілігіне байланысты. Полиция өңір тұрғындары мен қонақтарынан өзін және жақындарын сақтауды сұрайды.

ШҚО ПД баспасөз қызметі