Қаржылық сауаттылық - қауіпсіздік кепілі

                                                                                          Қаржылық сауаттылық - қауіпсіздік кепілі

Мемлекеттік қызметшілердің қаржылық сауаттылығын арттыру және қаржылық қауіптердің алдын алу мақсатында ШҚО Төтенше жағдайлар департаментінің базасында қаржылық сауаттылық бойынша тақырыптық семинар өткізілді.

Іс-шараға қалалық прокуратура өкілдері, Қазақстан Республикасы Ұлттық Банкінің мамандары, сондай-ақ ШҚО Полиция департаменті Киберқылмысқа қарсы іс-қимыл басқармасының қызметкерлері қатысып, баяндама жасады.

Семинар аралас форматта өтті: ШҚО ТЖД базасында жеке құраммен офлайн түрде және онлайн форматта департаменттің аудандық бөлімшелерінің қызметкерлерін қамтыды.

Кездесу барысында қаржылық тәртіп мәселелеріне, алаяқтық схемалары мен киберқауіптерден қорғануға, сондай-ақ жеке және қызметтік қаржылық міндеттемелерге жауапкершілікпен қарауды қалыптастыруға ерекше ден қойылды.

Мұндай іс-шаралар құқықтық мәдениетті нығайтуға және мемлекеттік қызметшілер арасындағы жауапкершілік деңгейін арттыруға ықпал етеді.


                                                                                                                                                                                                               ШҚО ПД баспасөз қызметі